لتخزين الخضار.........ادخلى واتعلمى

**Admin** الأربعاء أبريل 13, 2011 6:52 am

طبعا كل سنه وانتو طيبين
وزي مانتوعارفين الموسم الشتوي فنهايته
والصيف هيبدا عالابواب
فست البيت الشاطره والعاملات كمان
وكل اللي محتاجه توفر فوقتها ومجهودها ومزينيه بيتها هتعمل زيي
انا عارفه ان الخضار المجمد مالي الاسواق بس اللي انت عملاه من غير مواد حافظه ومنضفاه بايدك اكيد افضل وارخص
كمان الخضار الشتوي اما بيتعمل فالصيف بيكون له طعم تاني خالص

اسيبكو مع الصور والشرح

طبعا دي اكياس بسله بالجزر
كل اللي هتعمليه هتشتري 3 كيلو بسله+كيلو ونص جزر وتقطعيهم وتفصصيهم وتغسليهم ياخدو فوره عالنار وتحطيهم بمصفاه الخضار اما يصفو ميتهم ويبردو
هتكيسيهم كل كيس علي قد الطبخه
واما تعمليهم ماعليكي غير تفتحي الكيس علي تسبيكه الصلصه
وتظبطي الملح وبس
اللي بعده

ياناس ياعسل السبانخ وصل
هتجيبي 2 كيلو سبانخ +كام ربطه كسبره خضره وشبت
هنقطع السبانخ والخضره ونغمرهم فالميه
نغسلهم كويس وننشلهم من ميتهم فمصفه يصفي ميتهم
فميه مغليه نزليهم وطلعيهم علي طول عشان لونها الاخضر مايسودش بعد ماتبرد
كيسي كل كيس علي قد الطبخه
وعالفريزر اللي بعده

3 كيلو
يقشر ويقطع ونشطفه كتير لغايه الميه بتاعته ماتكون رايقه وشفافه
فميه مغليه هنزله مع نقتين ليمون عشان مايسودش لونه من التخزين
وياخد غلوتين بس ونطفي نصفيه بالمصفي بتاعت الخضار واما يبرد نكيسه
وعالفريزر
واما تيجي تعمليه نزليه فالشوربه السخنه علطول متستنيش يفك
وهيبقي دايب زي الزبده اللي بعده